Limra

Nú tek ég það rólega í Thailandi,
hvar tóbak fólk er ekki svælandi.
Því bannað að reykja
og rettum í kveikja,
er kaupir þér drykk, soldið kælandi.

Það er semsagt búið að banna reykingar á öllum veitingastöðum og börum í landinu. Nú er þriggja mánaða aðlögunartími, en að honum loknum verður hægt að sekta þá sem reykja um 4.000 kr. og staði, sem leyfa reykingar óátalið, um 40.000 kr. 

Fátæklegt orðaval

Mér finnst orðaval fréttamanns heldur fátæklegt þegar þörf er á að tala um að flugvél lendi í vinhviðu í lendingu, í stað þess að hún hefði fengið á sig vindhviðu. 

Þau lentu í vindhviðu í lendingu,
og lentu í vanda.
En lentu samt ekki að endingu,
orð skulu standa.

 

Lá við flugslysi

Limra

Það var eitt sinn eldgamall íkorni,
sem aleinn var svangur út' í horni.
Hann kjökraði doldið
og kveinaði soldið,
því hann komst ekki neitt, út af líkþorni.

Ólínulimra Þorvarðardóttur

Ólína Þorvarðardóttir skrifar á blogsíðu sinni að hún hafi áhyggjur af framtíð íslenskunnar.

Verður íslenska brátt ónothæf í vísindasamfélaginu á Íslandi? Ýmsir eru uggandi um framtíð íslenskunnar, telja jafnvel að hún sé að verða undir sem nothæft tungumál í vísindum og fræðum. Ýmsar blikur eru á lofti ...

Við ættum að hlusta á Ólinu!
Á íslensku beita skal gólinu.
Því málið að missa,
yrði mikilvæg skyssa
og bölvað að gríp' oss í bólinu.

 

Limrur

Dæmalaust falleg er Díana
og dólgarnir alls ekki flýj'ana.
Þeir hugsa um eitt,
sem hún getur veitt
og það fer svona ferlega í'ana.

Um daginn tók Kiddi af Kára mynd,
hvar kappinn leit út eins og Bára Hind.
Svo til þess að grínast
og talsvert að sýnast,
þeir smellt'enn'á sýningu í Smáralind.

Hann Skúli er skipstjóri á Fífunni
og skopast að efnahagsdýfunni.
Því frekar en fiska,
hann fær sér oft diska,
á útsölu - oftast í Skífunni.

Er hann maur? Listamaur?

Hirst, er víst glaðlegur gaur,
góður og langt frá því staur...
Gaf milljónir dala,
sem margir um tala,
en ég viss' ekk' hann vær' einhver maur.

Milljónir dala söfnuðust á góðgerðauppboði

Limra

Mikilvægt mannsins er starf
og margt nú að ræða oft þarf.
En undarlegt pínu,
er að áliti mínu,
þegar alvöruleikskóli hvarf.

Kópavogsbær tekur við rekstri leikskólans Hvarfs

Limrur

Brjáluð af reiði varð brúðurin,
er birtist einn helvítis trúðurinn.
Hún tók hann á taugum,
með trylling í augum
og barði hann beint á lúðurinn.

Eins og Páll löngu mér lofaði,
er létti í hans kolli og rofaði.
(Skelfileg glíma,
er glíman að ríma.)
En hann svaf ekki neitt, heldur „sofaði“.

Um lækniskraft lyfja hann efaðist,
Lárus, er dóttir hans kvefaðist.
En keypti samt eðal-
kvefpestarmeðal
og hóstinn víst samstundis sefaðist.

Limra

Ef ökumaður var ölvaður,
þá áfengisdjöfullinn bölvaður,
keyrði í á
og eftir varð þá,
bíllinn þar - blautur og mölvaður.

Ók út í Elliðaá

Limrur

Kúnstugur karl sem hjá Gosa bjó,
kleif upp á þak til að losa snjó.
En fann bara svell
og flaug svo með hvell,
niður á rassinn - með „rosa show“.

 

Gleðikona á Goldfinger,
gargaði: „Ow, you got cold finger!“
Er kúnnin svo hætti,
þá konan við bætti:
„Christ! It beat's Geiri and his old finger!“

 

Bítlarnir glömruðu á gítara
og gamaldags indverska sítara.
Slíkt aðeins vill heyra,
þá Örn fer að keyra,
á sínum eldgamla Suzuki Vitara.