Tími til kominn!

Ég frétti af því í apríl að til stæði að Leikfélag Kópavogs fengi Funalind 2, sem áður hýsti 11-11 og fleiri fyrirtæki, til fullra afnota sem leikhús. Búið er að rífa allt innan úr Félagsheimili Kópavogs og verið að breyta því húsnæði í upplýsingaver og afgreiðslu fyrir Kópavogsbæ, ásamt fundarsal bæjarstjórnar o.fl. Þar af leiðandi hefur engin aðstaða verið til fyrir LK í marga mánuði. Svo hljóp eitthvað bakslag í málið, mér skilst að LK hafi séð fram á milljóna kostnað við húsnæðið og rekstur, þannig að málið hefur verið dautt í allt of langan tíma.

En nú er svo sannarlega tími til að gleðjast aftur og hrópa ferfalt húrra fyrir hinu rúmlega 50 ára leikfélagi í bænum. Vonandi verður góður andi í nýja leikhúsinu. 

Fyrsta eiginlega leikhúsið opnað í Kópavogi

Ertu búin(n) að kaupa miða?

Ef ekki, þá færðu miða hér: midi.is

Á bólakafi í vinnu!

Ég hef verið á kafi í vinnu... upp fyrir haus undanfarið og því ekki haft neinn tíma til að sinna blogginu. En ég vona að það lagist í næstu viku. Ég hef verið að tölvuvinna þrjár bækur, skanna inn myndir, setja inn leiðréttingar og ég veit ekki hvað og hvað. Ein er farin í prentun, önnur er í prófarkalestri og var að klára síður þeirrar þriðju í kvöld, en þá tekur við kápuhönnunin. Þetta er gríðarlega skemmtilegt, en hefur tekið allan minn tíma undanfarið.

Spurningaleikur Kalla Tomm VII

Jæja, ég er búinn að hugsa mér einstakling...

Afleit fyrirsögn!

Ég held að fyrirsögnin myndi skiljast ef hún væri orðuð svona:

Engin tilkynninga um peningaþvætti leiddi til saksóknar

Engin tilkynning, hljómar eins og að ekkert hafi verið tilkynnt til ríkislögreglustjóra. Því þarf að bæta þessu litla a-i við orðið tilkynning, svo setningin verði rökrétt. 

Engin tilkynning um peningaþvætti leiddi til saksóknar

Tæpur?

Hann ansi nú orðinn er tæpur,
þó enn ekki stundi hann knæpur.
Hann skilur ei baun,
þiggur skelfingarlaun!
Hann er eins og Glanni glæpur!

Björn Ingi: Kauprétturinn var mistök

Vona að landsmenn taki þátt!

Það er vonandi að landsmenn kaupi K-lykla í þúsundatali, svo hægt verði að veita Geðhjálp, Forma og BUGL myndarlega styrki að loknu söluátakinu.

Sala á K-lyklinum hafin

Þetta eru kindþáttafordómar og ekkert annað!

Það var sagt frá því í sjónvarpsfréttum nú rétt áðan að Íslendingar vilji síður borða svið af svörtu eða mislitu fé, heldur en af hvítu fé. Þetta eru kindþáttafordómar af verstu gerð. Það kom einnig fram í fréttinni að enginn bragðmunur sé af sviðunum.

Heilsugæslustöðin Hvammur, að týnast við Smáralindina?

Heilsugæslustöð var stór og flott
stolt okkar var vígt af landsföðurnum.
En núna þykir gestum hennar gott
að geta komið auga á - fyrir turnum.

Heilsugæslustöð á ystu nöf

Hraðamælasektarmyndavélagræjurnar

Kunningi minn komst að orði eitthvað á þá leið að næst muni löggan beintengja hraðamælamyndavélarnar við posa, þannig að sektin skráist sjálfkrafa á þann sem ekur of hratt. 

Ef langar þig að leika einhvern rosa,
lögbrjót, fant og hraða-akstursgosa,
þá máttu vita að myndir taka á posa
og mundu alltaf: Líta upp og brosa!

Ökumenn hægja á ferðinni