Eggjakastslimra

Það var mótmælt af miklum þunga,
í morgun í rökkri og drunga.
Sagt frá háværum seggjum,
að hend' í bíl eggjum,
þá varð skelkaður Geiri gunga.

Geir taldi sér ógnað

Framsóknarformannsvísa

Nú vilja einhverjir Framsókn í frí,
og freklega kalla það lesti,
að nýjan formann þeir nái sér í,
á nokkurra mínútna fresti.

Formaður í fimm mínútur

Fjarlægðin gerir fjöllin blá ... og langt til Keflavíkur!

Í röksemdafærslu þeirra sem vilja halda innanlandsflugi á Reykjavíkurflugvelli hefur margoft verið tönnlast á því að það sé of langt að aka til Keflavíkur í innanlandsflug.

En er eitthvað styttra til Keflavíkur þegar sjúklingar eru annars vegar? Það tekur um 40 mínútur, hvort sem menn eru heilbrigðir eða veikir, en ég hefði haldið þá heilbrigðu betur í stakk búna að aka á milli en þá veiku, ekki satt?

Styrkja ætti en sundra ei

Hugrúnarlimra

Er Hugrún var komin í hundana
og hætti í ræktinn' að stundana.
Fór að úð' í sig mat,
bara eins og hún gat.
Og á Aski svo ættingjar fund'ana.

Áramótalimra

Enn eru liðin hér áramót,
með æðislegt rakettukláradót.
Og um Íslandið allt,
er allsekki kalt
og það er sko þokkaleg sárabót.

Gleðilegt nýtt ár!

Fékk þetta sent nú áðan - grátbroslegur sannleikur

Gæinn sem geymir eyrinn minn

Ég finn það gegnum netið
að ég kemst ekki inn
á bankareikninginn,
en ég veit að það er gæi
sem geymir eyrinn minn,
sem gætir alls míns fjár,
og er svo fjandi klár,
kann fjármál upp á hár,
býður hæstu vextina,
og jólagjöf hvert ár.

Ég veit hann axlar ábyrgð,
en vælir ekki neitt,
fær þess vegna vel greitt,
hendur hans svo hvítþvegnar
og hárið aftursleikt.
Þó segi' í blöðunum
frá bankagjaldþrotum
hann fullvissar mig um:
Það er engin áhætta
í markaðssjóðunum.

Ég veit að þessi gæi
er vel að sér og vís;
í skattaparadís
á hann eflaust fúlgur fjár,
ef hann kemst á hálan ís.
Því oftast er það sá,
sem minnstan pening á,
sem skuldin endar hjá. *
Fáir slökkva eldana,
sem fyrstir kveikja þá.

        Finnur Vilhjálmsson.

Fáránlegt að kalla þetta íþróttafrétt!

Þótt íþróttamaður brjóti af sér og hagi sér eins og glæpamaður, finnst mér fáránlegt að flokka það sem íþróttafrétt. Væri það ekki jafn gáfulegt og ef veðurfræðingur væri stöðvaður fyrir ógætilegan akstur og sagt væri frá því í veðurfréttum?

„Einar E. Einarsson veðurfræðingur var stöðvaður af lögreglu um þrjúleytið í dag, en hann mældist á 144 km hraða á Reykjanesbraut, þar sem ekki má aka hraðar en 90 km á klukkustund ... í suðaustan rigningu og þremur vindstigum. Hitastig, þegar Einar var handtekinn, var um fjórar gráður.“

 Nei, það sem gerist utan íþróttaleikvangs og utan íþróttanna sjálfra, er ekki íþróttafrétt, jafnvel þótt maðurinn sé íþróttamaður! Þetta er bara almenn, erlend frétt – og ekkert annað!

Steven Gerrard handtekinn

Jólakveðja

Sendi ykkur öllum bestu óskir um gleðileg jól og farsælt komandi ár!

Bráðskemmtilegt kvöld og „uppskurðurinn“ var flottur!

Hólakvöldið á Græna hattinum á Akureyri var bráðskemmtilegt. Davíð Hjálmar Haraldsson las vel ortar sonnettur, Hjálmar Freysteinsson las smellnar limrur, ég tengdi tvo einstaklinga (sem ekkert þekktust) svo sterkum tilfinningaböndum að konan skynjaði snertingu sem maðurinn varð fyrir og síðan var hápunktur kvöldsins þegar töframaðurinn Baldur Brjánsson „skar upp“ með berum höndum. „Sjúklingurinn“ var Hjálmar læknir Freysteinsson og aðstoðarmaðurinn var akureyrski töframaðurinn Einar einstaki. Það er að vísu rangt haft eftir í fréttinni, að á pilluglasinu sem kom úr iðrum Hjálmars stóð að pillurnar væru gegn ritstíflu og væru stuðla- og endarímsaukandi.

Eins og kemur fram í bókinni um Baldur, Töfrum líkast, þá skar hann upp í sjónvarpssal fyrir rétt rúmum 30 árum, sem hafði þær afleiðingar að ferðir Íslendinga til Filippseyja í lækningaskyni lögðust alveg af.

Baldur nú borar í Hjálmar
og baldinn um innyflin fálmar.
En mér fyndist það rangt,
ef hann færi of langt.
– þá yrðu sungnir hér sálmar.

Uppskurður á niðurskurðartímum