Sumarliði aftur kominn til starfa á Mogganum?

Það er alveg ótrúlegt hvað hann Sumarliði (sumaríhlaupamaðurinn á mbl.is) getur verið hroðvirkur. Ég fékk hroll við að lesa þessa, annars skemmtilegu smáfrétt, því blaðamaðurinn gleymdi alveg að vanda sig.

Greip hér tvö dæmi af handahófi, annars vegar sama orðið skrifað á tvo mismunandi vegu og hins vegar „mér langar“ dæmi... þágufallssýkina víðfrægu. Það er eitt að heyra slíkt sagt á förnum vegi, en ætti varla að sjást í fréttamiðli sem á að taka alvarlega.

Fjögurra ára Bítlaaðdáandi

Athugasemdir

[Gunnar Kr., 10.5.2008 kl. 19:21]

Það er greinilegt að „Sumarliði“ (eða einhver annar blaðamaður) les bloggið. Nú er búið að leiðrétta það sem ég benti á, sem stakk mig mest, en það eru enn a.m.k. tvær villur eftir í fréttinni...

[Hákon (IP-tala skráð) 10.5.2008 kl. 20:31]

Mig grunar nú að það tengist póstinum sem ég sendi eitthvað, þar er ég sendi hann einhverjum klst áður en þú gerðir þetta blogg.

[Gunnar Kr., 10.5.2008 kl. 22:38]

Sko!

Fleiri sem lesa bloggið! 
En Hákon hefur greinilega ekki leiðrétt allt sem rangt var skrifað í fréttinni...

[Kristín M. Jóhannsdóttir, 10.5.2008 kl. 23:01]

Ég er nú ekki viss um að Sumarliði hafi nokkurn tímann farið.

[Hákon (IP-tala skráð) 10.5.2008 kl. 23:03]

Greinilega ekki:P Leiðrétti bara það sem stakk mig mest í augun.

[Gunnar Kr., 10.5.2008 kl. 23:13]

Jú frænka, hann var örugglega í hlutverki Veturliða síðustu mánuði.

En ef maður hefur svona gríðarlega mikið fyrir þessu... og sendir póst á blaðamenn, Hákon, þá leiðréttir maður allt sem maður sér – er það ekki?