Eins og að syngja bara um Breiðholtið á Reykjavíkurhátíð

Sem borinn og barnfæddur Njarðvíkingur, finn ég hjá mér þörf að tjá mig um nýja Ljósanæturlagið. Að syngja bara um Keflavík er ekki ásættanlegt, þar sem Reykjanesbær heldur þessa hátíð. Á þá að syngja um Njarðvík næsta ár og Hafnir 2009?

Mér finnst þetta ámót því að haldin væri Reykjavíkurhátíð, þar sem valið yrði lag þar sem bara er sungið um Breiðholtið. En... mér finnst ekki rétt hjá fjölmiðlum að ráðast alltaf á Jóa Helga, þótt hann hafi samið lagið. Það er Ljósanæturnefndin sem á að svara fyrir.

Annars er lagið ljómandi fínt, eins og langflest lög Jóa, þótt mér finnist hann hafa farið langt fram úr sjálfum sér þegar hann samdi lagið við Söknuð Vilhjálms Hólmars Vilhjálmssonar. Það er tær snilld og verður erfitt að toppa.

Ljósanótt hafin í Reykjanesbæ

Athugasemdir

[Kristín M. Jóhannsdóttir, 1.9.2007 kl. 18:04]

En það var nú líka svo vel sungið af honum frænda!

[Gunnar Kr., 2.9.2007 kl. 00:48]

Já frábærlega – og svo átti hann líka ljóðið, sem er meistaraverk.

[Sigurjón, 2.9.2007 kl. 20:08]

Áfram Njarðvík!

Annars tek ég undir að Söknuður er snilld frá A til Ö; bæði lagið og textinn.