Það var málið!

Þetta líst mér vel á! Kæra þessa lúða og láta þá borga fyrir þrifin.

Það er óþolandi að þetta skemmdarverkalið hafi vaðið yfir allt og alla með úðabrúsana sína. Dæmi eru um að þetta lið úði á bæsað tré, steni klæðningar og innbrennt ál, sem erfitt - eða jafnvel er útilokað að þrífa. Eftir sitja húseigendur með skemmdarverkin á veggjunum eða háa málningar- og verkreikninga. 

Ég yrki um leiðindalúða,
sem lög brjóta með því að úða.
Bara tak' essa álfa
og úð' á þá sjálfa
og setj' út torg eins og trúða.

Kópavogur sker upp herör gegn veggjakroti

Athugasemdir

[Kristín M. Jóhannsdóttir, 28.5.2008 kl. 17:53]

Góður.

[Stefán Freyr (IP-tala skráð) 28.5.2008 kl. 22:29]

eruði gjörsamlega þroskaheft???

vonandi gera þessir þröngsýnu fávitar greinamun á listaverkum og töggum. vonandi verður hamraborginn ekki eyðilögð svo að hún verði ekki öll í hráum gráum veggjum í staðinn fyrir að litrík listaverk prýði þessa veggi.

[óþarfir (IP-tala skráð) 29.5.2008 kl. 04:04]

jesús..þið eruð ekki að fatta þetta...
þetta hættir aldrei!
það kemur alltaf eitthvað nýtt, eitthvað sem er ólöglegt, eitthvað sem kallað er á ykkar tungumáli "skemmdarverk" ,,
en ég skal segja ykkur það að þessi "skemmdarverk" hætta aldrei..
og hugsið til mín er þið fattið það sjálf, hugsið að ég hafði rétt fyrir mér.

ég yrki um lúða,
sem vill því trúa.
að allir hætti að úða,
í umhverfi sem hann vill í búa.


allir brjááálaðir alveg hreint brjálaðir...

[Lúkas (IP-tala skráð) 29.5.2008 kl. 05:37]

Eitthversstaðar verða vondir að vera.

[Lúkas (IP-tala skráð) 29.5.2008 kl. 05:42]

Og einnig sýnist mér að það sé verið að þrífa Hamraborgina r.i.p

[Gunnar Kr., 29.5.2008 kl. 16:43]

Dónalegir, óþroskaðir einstaklingar, sem hafa enga tilfinningu fyrir því hvað eru skemmdarverk og hvað ekki. Ef Stefán Freyr myndi mála glæsilegt listaverk og svo kæmi ég að nóttu til og spreyjaði yfir listaverk, eitthvað sem mér fyndist flottara, hvað ætli hann myndi þá segja?

Og ég er nokkuð ánægður með „óþarfir“, því hann skrifar að hann geri sér grein fyrir því að um ólöglegt athæfi sé að ræða. En svo hótar hann áframhaldandi lögbrotum og sýnir einbeittan brotavilja. (Þetta eru e.t.v. of erfið orð fyrir þá að skilja?) En hann þarf aldeilis að rifja upp bragfræðina ef hann ætlar sér að gerast hagyrðingur.

Og „Lúkas“, rétt hjá þér að kalla þessa gaura „vonda“ sem þurfa að vera einhvers staðar, en þeir ættu þá að spreyja heima hjá sér, veggi foreldra sinna, eða einhverra sem leyfa þetta, ekki taka ákvörðun fyrir hönd annarra húsegenda að úða þeirra hús.

En ég ætla ekki að eyða meiri tíma í þessa ónytjunga. Það er eftir því tekið að þeir skrifa þetta aðfararnótt fimmtudags, á milli kl. fjögur og sex að nóttu til, Stefán Freyr með IP-tölu: 194.144.111.218, óparfir með IP-tölu: 157.157.212.237, og Lúkas með IP-tlu: 213.213.148.162.

[Jesse Custer, 1.6.2008 kl. 18:13]

Það sem ég held að Lúkas eigi við þegar hann segir "Eitthversstaðar verða vondir að vera" er ekki að allir graffarar, listamenn, krakkar og fleiri sem kroti á veggi séu vondir eins og þú virðist ánægður aðstökkva strax á.

Það sem hann er að meina er að það er sífelt stærri hópur sem kýs að mála sín málverk á veggi (sama hvort þú sért aðdáandi eða ekki) og einhver staðar verða þeir að vera.

Ekki taka þessu sem hótun, en ef þið lokið fyrir alla staði sem þetta fengi að vera í friði og ekki fyrir neinum (staðir eins og öll undigöng á höfuðborgar svæðinu, austurbæjarskóli, loftkastalinn og fleiri) þá fer þetta út á göturnar. 

Graffiti verður ekki stoppað. Jafnvel þótt þið mynduð handtaka alla þá sem stunda þetta núna, kæmu bara aðrir í staðinn. svo myndu þessir sem voru handteknir bara halda áfram..

..ég veit þú skilur ekki, enn svona er þetta bara.. 

[Gunnar Kr., 2.6.2008 kl. 00:21]

Ég skil hvað þú meinar, en það er stór munur á að vera einhversstaðar og allsstaðar. Þessir gaurar geta alveg spreyjað alla veggi heima hjá sér og þar sem þeir fá leyfi húseigenda, en það er of langt gengið að þeir ákveði fyrir hönd annarra að spreyja á alla veggi sem þeir vilja.

Lög ná yfir slík skemmdarverk.

En Jesse, hver talar um að „loka fyrir alla staði“? Ég minnist þess ekki að hafa skrifað það. Það eru þín orð... Ég vil bara að ákvörðunarrétturinn verði hjá eiganda veggsins. Ef ég vil fá listaverk á húsvegginn minn, þá geri ég það og ef ég vil ekki fá listaverk þar, þá vil ég að það verði virt.

Svo er stór munur á listaverki og merkingum eða svokölluðu „taggi“. Ekki satt?