Eins gott að Ólafur F. verði ekki lasinn...

Ég var að velta því fyrir mér í kvöld hvað myndi gerast ef Ólafur F. yrði nú lasinn og Margrét Sverrisdóttir tæki sætið í forföllum hans. Jú, þá myndi meirihlutinn falla og yrði að minnihluta, og minnihlutinn yrði að meirihluta. Svo þegar Ólafur F. hresstist og kæmi aftur til starfa, þá myndi minnihlutinn aftur verða að meirihluta og meirihlutinn breyttist sjálfkrafa í minnihluta.

Þetta er svo grátbroslegt að það minnir á manninn sem sagði, þegar hann var spurður hvernig hann hefði það: -Jú, eins og ég er þegar ég er skárri, þá held ég að sé sé skárri þegar ég er verri!

Það er best fyrir Ólaf að verða ekki veikur,
með verki, hita, ógleði og spýju.
Því minnihlutinn myndi keikur,
meirihluti verða að nýju.

Ólafur og Vilhjálmur stýra

Athugasemdir

[Hólmdís Hjartardóttir, 22.1.2008 kl. 02:10]

þetta er nú meiri endaleysan

[Sigurður Viktor Úlfarsson, 22.1.2008 kl. 02:16]

Ef hann sleppir því að kalla til varafulltrúann þá sleppur þetta.  Þá enda atkvæðagreiðslur á jöfnu.  Þeir bara gæta þess að það verði engar mikilvægar atkvæðagreiðslur þegar hann verður í burtu.

[Jóna Kolbrún Garðarsdóttir, 22.1.2008 kl. 02:26]

Það var nú talað um það í dag bara ef hann fer á klósettið gæti meirihlutinn fallið, maðurinn verður að vera viðstaddur alltaf