Skondin mynd #2 - Krossgátublokk

Fáránlegt að kalla þetta íþróttafrétt!

Þótt íþróttamaður brjóti af sér og hagi sér eins og glæpamaður, finnst mér fáránlegt að flokka það sem íþróttafrétt. Væri það ekki jafn gáfulegt og ef veðurfræðingur væri stöðvaður fyrir ógætilegan akstur og sagt væri frá því í veðurfréttum?

„Einar E. Einarsson veðurfræðingur var stöðvaður af lögreglu um þrjúleytið í dag, en hann mældist á 144 km hraða á Reykjanesbraut, þar sem ekki má aka hraðar en 90 km á klukkustund ... í suðaustan rigningu og þremur vindstigum. Hitastig, þegar Einar var handtekinn, var um fjórar gráður.“

 Nei, það sem gerist utan íþróttaleikvangs og utan íþróttanna sjálfra, er ekki íþróttafrétt, jafnvel þótt maðurinn sé íþróttamaður! Þetta er bara almenn, erlend frétt – og ekkert annað!

Steven Gerrard handtekinn

Þú veist að það er árið 2008, ef ...

1.
... þú ferð í partý og kvöldið fer aðallega í að taka myndir fyrir bloggið þitt.

2.
...  þú hefur ekki lagt kapal með alvöru spilastokki í nokkur ár.

3.
... ástæðan fyrir því að þú ert ekki í sambandi við suma af gömlu vinunum er sú að þeir blogga ekki, eru ekki á MySpace og eða á FaceBook.

4.
... þú leitar frekar um alla íbúð að fjarstýringunni í stað þess að ýta bara á takkann á sjónvarpinu.

6.
... kvöldstundir þínar snúast um að setjast niður fyrir framan tölvuna.

7.
... þú lest þennan lista brosandi og kinkar kolli öðru hvoru.

8.
... þú hugsar um hvað það er mikil vitleysa að eyða tíma í að lesa þennan lista.

9.
... þú ert of upptekin/upptekinn - og tókst ekki eftir númer fimm.


10.
... þú fórst virkilega til baka til að athuga hvort það væri eitthvað númer fimm.

11.
... þú hlærð svo af heimsku þinni.

12.
... þú sendir þetta á vini þina, eða skellir þessu á bloggið þitt eða kemur þessu á framfæri einhverstaðar.

 

Fékk þetta sent frá Bjössa vini mínum, finnst þetta alveg frábært!

Rúnarslimra

Ég heyrði í haust um 'ann Rúnar,
með hendur svo skakkar og snúnar.
Honum líkar svo vel,
vísur - ég tel,
en aðeins þá eru þær búnar.

Indíánalimra

Ljósmyndarinn José Carlos Dos Reis Meirelles varð frægur fyrir að taka myndir af afar frumstæðum ættbálki indíána á landamærum Brasilíu og Perú, sem hann staðhæfði að hefði ekki verið vitað um fyrr. Nú hefur komið í ljós að vitað hafi verið um tilvist hans frá árinu 1910. 

Margt hefur drifið á daga,
Dos Reis Meirelles - hins raga,
sem laug okkur full,
þetta er lýgi og bull,
bara uppskálduð indíanasaga.

Uppskálduð indíánasaga

Borgarstjóralimra

Óli var með eitthvað múður,
er mætt' ann í fréttir svo prúður:
„Þett' er afleitt, ei grænt,
bara óheillavænt,
alveg skelfilegt skipulagsklúður!“

Borgarstjóri gagnrýnir vinningstillöguna

Limra

Finnst ykkur furð' að ég gapi,
þá Fylkisson stjórn miss' á skapi.
Hann dólgslega  lét,
og lamd' eins og ket,
löggu - sem górilluapi.

Missti stjórn á skapi sínu

Limra

Þeir tímann fá létt til að líða,
og lostugir detta svo íða'.
Nú hoppa á bak,
og hugs' andartak,
um hið magnaða markmið að ...

     ... fara saman í útreiðatúr og skemmta sér á hestbaki.

Harðir á strippinu

Limrur

Kúnstugur karl sem hjá Gosa bjó,
kleif upp á þak til að losa snjó.
En fann bara svell
og flaug svo með hvell,
niður á rassinn - með „rosa show“.

 

Gleðikona á Goldfinger,
gargaði: „Ow, you got cold finger!“
Er kúnnin svo hætti,
þá konan við bætti:
„Christ! It beat's Geiri and his old finger!“

 

Bítlarnir glömruðu á gítara
og gamaldags indverska sítara.
Slíkt aðeins vill heyra,
þá Örn fer að keyra,
á sínum eldgamla Suzuki Vitara.